ഭുവനേശ്വർ: ഒഡീഷയിൽ ആദ്യത്തെ കോവിഡ് മരണം റിപ്പോർട്ടുചെയ്തു. ഭുവനേശ്വർ എയിംസിൽ ചികിത്സയിലായിരുന്ന എഴിപത്തിരണ്ടുകാരനാണ് മരിച്ചത്. ഇയാൾക്ക് എവിടെനിന്നാണ് രോഗം ബാധിച്ചതെന്ന് വ്യക്തമല്ല. സംസ്ഥാനത്ത് നിരധിപേർ ചികിത്സയിലാണ്.

നിലവിൽ രാജ്യത്തെ രോഗബാധയേറ്റ് മരണസംഖ്യ 114 ആയി ഉയർന്നു. അതേസമയം രാജ്യത്തെ രോഗബാധിതരുടെ ആകെ എണ്ണം 4421 ആയി. കേന്ദ്ര ആരോഗ്യ മന്ത്രാലയമാണ് ഇക്കാര്യം അറിയിച്ചത്. ഡൽഹിയിൽ നടന്ന തബ്‌ലീഗ് സമ്മേളനത്തിൽ പങ്കെടുത്ത കൂടുതൽ പേർക്ക് രോഗം സ്ഥിരീകരിച്ചതോടെയാണ് സ്ഥിതിഗതികൾ വഷളായത്.