തിരുവനന്തപുരം: ഗൾഫിലെ ഇന്ത്യൻ സ്കൂളുകളിലെ ഫീസ് അടയ്ക്കാനുള്ള തീയതി നീട്ടി നൽകണമെന്ന് ആവശ്യപ്പെട്ട് യു.എ.ഇ, ഖത്തർ, കുവൈറ്റ്, ഒമാൻ, ബഹ്‌റിൻ, സൗദി അറേബ്യ എന്നീ രാജ്യങ്ങളിലെ ഇന്ത്യൻ അംബാസഡർമാർക്ക് നോർക്ക് കത്തയച്ചു. പല ഇന്ത്യൻ സ്കൂളുകളിലും ഓൺലൈൻ ക്ലാസുകൾ നടത്തി ഫീസ് ഈടാക്കുന്നതായ് ശ്രദ്ധയിൽപെട്ടിട്ടുണ്ടെന്നും ഇക്കാര്യത്തിൽ അതത് രാജ്യത്തെ അമ്പാസിഡർമാർ അടിയന്തരമായി ഇടപെടണമെന്നും നോർക്ക ആവശ്യപ്പെട്ടു.

വിസാ കാലാവധി കഴിഞ്ഞവർക്ക് ആരോഗ്യ ഇൻഷ്വറൻസ് നീട്ടി ലഭ്യമാക്കാൻ നടപടി സ്വീകരിക്കണം, കാലാവധി കഴിയുന്ന വിസ, പാസ്‌പോർട്ട് എന്നിവ കുറഞ്ഞത് ആറ് മാസത്തേക്ക് ദീർഘിപ്പിക്കണമെന്നും നോർക്ക ആവശ്യപ്പെട്ടു.