തിരുവനന്തപുരം: ഇന്നലെയും ജില്ലയിൽ പുതുതായി കൊവിഡ് 19 രോഗികളില്ല.1620 പേർ 28 ദിവസ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ഇന്നലെ പുതുതായി 230 പേർ രോഗനിരീക്ഷണത്തിലായി. രോഗലക്ഷണങ്ങളുമായി ഇന്നലെ 23 പേരെ ആശുപത്രികളിൽ പ്രവേശിപ്പിച്ചു. 27 പേരെ ഡിസ്ചാർജ് ചെയ്തു. മെഡിക്കൽ കോളേജിൽ 45, ​ജനറൽ ആശുപത്രി 11 പേരൂർക്കട മാതൃകാ ആശുപത്രിയിൽ അഞ്ച്, ​നെയ്യാറ്റിൻകര ജില്ലാ ആശുപത്രിയിൽ രണ്ട്,​ നെടുമങ്ങാട് ജില്ലാ ആശുപത്രിയിൽ നാല്,​ എസ്.എ.ടി ആറ്,​ കിംസ് 11,​ പേരൂർക്കട മാനസികാരോഗ്യ കേന്ദ്രം ഏഴ്,​ പി.ആർ.എസിൽ ഒരാൾ എന്നിവരടക്കം 92 പേർ ആശുപത്രികളിൽ ചികിത്സയിലുണ്ട്. സാമ്പിൾ പരിശോധനാഫലം നെഗറ്റീവായതിനെ തുടർന്ന് കൊല്ലം, മണക്കാട് സ്വദേശികളെ മെഡിക്കൽ കോളേജിൽ നിന്ന് ഇന്നലെ ഡിസ്ചാർജ് ചെയ്തു. യൂണിവേഴ്‌സിറ്റി മെൻസ് ഹോസ്റ്റലിൽ 78,​ വിമെൻസ് ഹോസ്റ്റൽ 47, ഐ.എം.ജി ഹോസ്റ്റൽ 57,​ വേളി സമേതി ഹോസ്റ്റൽ 19,​ മാർ ഇവാനിയോസ് ഹോസ്റ്റൽ 23, ​വിഴിഞ്ഞം സെന്റ് മേരീസ് സ്‌കൂളിൽ 103 പേരുമടക്കം ആകെ 327 പേർ കരുതൽ നിരീക്ഷണത്തിലുണ്ട്.

പോത്തൻകോട്ടെ ഫലങ്ങളെല്ലാം നെഗറ്റീവ്
പോത്തൻകോട്ട് നിന്ന് ഇതുവരെ പരിശോധനയ്ക്ക് അയച്ച എല്ലാ ഫലങ്ങളും നെഗറ്റീവാണ്. ഇന്നലെ ലഭിച്ച 116 ഫലങ്ങളും നെഗറ്റീവായി. 214 ഫലങ്ങളാണ് ഇനി ലഭിക്കേണ്ടത്. ഇന്നലെ 56 സാമ്പിളുകൾ കൂടി പരിശോധനയ്ക്ക് അയച്ചു.

ഹൈലൈറ്റ്സ്

നിരീക്ഷണത്തിലുള്ളവർ: 6663

വീടുകളിൽ നിരീക്ഷണത്തിലുള്ളവർ: 6245

ആശുപത്രികളിൽ നിരീക്ഷണത്തിലുള്ളർ: 92

കൊവിഡ് സെന്ററുകളിലുള്ളവർ: 327