റിയാദ്: കൊവിഡിന്റെ പശ്ചാത്തലത്തിൽ സൗദിയിലുള്ള വിദേശികളുടെ റീ എൻട്രി വിസ മൂന്നു മാസത്തേക്ക് സൗജന്യമായി നീട്ടി നൽകും. ഫെബ്രുവരി 25 മുതൽ മേയ് 24 വരെ കാലാവധി അവസാനിക്കുന്നതും ഉപയോഗിക്കാത്തതുമായ റീ എൻട്രി വിസയാണ് നീട്ടി നൽകുന്നത്.

വിമാന സർവീസുകൾ റദ്ദാക്കിയിരുന്ന സാഹചര്യത്തിലാണ് നീട്ടി നൽകാൻ സൽമാൻ രാജാവ് ഉത്തരവിട്ടത്. ഇതിനായി ജവാസാത്തിനെ സമീപിക്കേണ്ടതില്ലെന്നും ജവാസാത്തിന്റെ കമ്പ്യൂട്ടർ സംവിധാനത്തിലൂടെ ഓട്ടോമാറ്റിക്കായി റീ എൻട്രി പുതുക്കുമെന്നും ജവാസാത് ഡയറക്ടറേറ്റ് അറിയിച്ചു. പുതുക്കിയ വിവരം ഓൺലൈൻ പോര്‍ട്ടലായ അബഷിറിലൂടെ അറിയാനാകും.