തിരുവനന്തപുരം: കാലാവധി കഴിഞ്ഞ പാസ്‌പോർട്ടുകൾ എംബസി പുതുക്കി നൽകുന്നുണ്ടെന്ന് യു.എ.ഇ.യിലെയും കുവൈറ്റിലെയും അംബാസഡർമാർ കേരള സർക്കാരിനെ അറിയിച്ചു. മേയ് 31 വരെയോ വിമാന സർവ്വീസ് പുനരാരംഭിക്കുന്നതുവരെയോ വിസാ കാലാവധി പിഴയൊന്നുമില്ലാതെ നീട്ടിക്കൊടുക്കുമെന്നും യു.എ.ഇ ഗവൺമെന്റ് അറിയിച്ചിട്ടുണ്ടെന്നും അംബാസഡർമാർ പറഞ്ഞു.

സ്‌കൂൾ ഫീസിന്റെ കാര്യത്തിൽ കേരള സർക്കാരിന്റെ അഭ്യർത്ഥന പ്രകാരം ഇന്ത്യൻ സ്‌കൂൾ മാനേജ്‌മെന്റുകളുമായി യു.എ.ഇ എംബസി ബന്ധപ്പെട്ടിട്ടുണ്ടെന്നും അറിയിപ്പിൽ പറയുന്നു. കുവൈറ്റിലെ സാമൂഹ്യ സംഘടനകളുടെ സഹായത്തോടെ പ്രവാസി സമൂഹവുമായി നിരന്തരം ബന്ധപ്പെടുന്നുണ്ടെന്ന് കുവൈറ്റ് അംബാസഡർ അറിയിച്ചു. പ്രവാസികൾ നേരിടുന്ന പ്രശ്നം ചൂണ്ടിക്കാട്ടി നോർക്ക അയച്ച കത്തിനുള്ള മറുപടിയിലാണ് ഇക്കാര്യം അറിയിച്ചത്.