ന്യൂഡൽഹി:ഇരുപത്തെട്ടുരാജ്യങ്ങളിലേക്ക് കൊവിഡ് പ്രതിരോധത്തിനായി ഹൈഡ്രോക്‌സി ക്‌ളോറോക്വിൻ മരുന്നു നൽകാൻ ഇന്ത്യ തീരുമാനിച്ചതായി റിപ്പോട്ട്. ഈ രാജ്യങ്ങൾക്കുപുറമേ മരുന്നിനായി മറ്റുരാജ്യങ്ങളും മരുന്നിനായി അപേക്ഷ നൽകിയിട്ടുണ്ട്. ചില അയൽരാജ്യങ്ങൾക്ക് മരുന്ന് സൗജന്യമായി നൽകാനും തീരുമാനിച്ചിട്ടുണ്ട്.

കഴിഞ്ഞമാസം അവസാനത്തോടെ മരുന്നുകയറ്റുമതി നിരാേധിച്ചിരുന്ന ഇന്ത്യ കഴിഞ്ഞദിവസമാണ് മരുന്നുകയറ്റുമതിക്കുള്ള നിരോധനം നീക്കിയത്. ഇൗ തീരുമാനത്തിന് നന്ദിപറഞ്ഞ് അമേരിക്കൻ പ്രസിഡന്റക ഡൊണാൾഡ് ട്രംപ് അടക്കമുള്ള രാഷ്ട്രത്തലവന്മാർ രംഗത്തെത്തിയിരുന്നു.
ക്ലോറോക്വീൻ ഇസ്രായേലിലേക്ക് അയച്ചതിന് നന്ദി പ്രിയ സുഹൃത്തെ. മുഴുവൻ ഇസ്രായേലികളും താങ്കൾക്ക് നന്ദി പറയുന്നുവെന്ന് ഇസ്രായേൽ പ്രസിഡന്റ് ബെഞ്ചമിൻ നെതന്യാഹു ട്വീറ്റ് ചെയ്തു. നേരത്തെ, സമയബന്ധിതമായ സഹായത്തിന് പ്രധാനമന്ത്രി നരേന്ദ്ര മോദിക്കും ഇന്ത്യൻ ജനതയ്ക്കും ബ്രസീലും നന്ദി അറിയിച്ചിരുന്നു.