കുവൈറ്റ്: കുവൈറ്റിൽ ഇന്ന് 51 ഇന്ത്യാക്കാരടക്കം 83 പേർക്കു കൂടി കൊവിഡ് സ്ഥിരീകരിച്ചു . ഇതോടെ രാജ്യത്തെ രോഗബാധിതരുടെ എണ്ണം 993 ആയതായി ആരോഗ്യ മന്ത്രാലയം വ്യക്തമാക്കി. യു.കെയിൽ നിന്നും വന്ന 2 സ്വദേശികൾക്ക് ഇന്ന് കൊറോണ സ്ഥിരീകരിച്ചു. രോഗികളുമായുള്ള സമ്പർക്കത്തിലൂടെ ഒരു സ്വദേശിയ്ക്കും 51 ഇന്ത്യാക്കാർക്കും, ഏഴ് ബംഗ്ലാദേശികൾക്കും , എട്ട് പാകിസ്ഥാനികൾക്കും , ഒരു സിറിയക്കാരനും, മൂന്ന് ഈജിപ്തുകാർക്കും, അ‌ഞ്ച് നേപ്പാളികൾക്കും ഒരു ഫിലിപ്പൈൻകാരനുമാണ് ഇന്ന് രോഗം സ്ഥിരീകരിച്ചത്.

രണ്ട് സ്വദേശികൾക്കും ഒരു ഈജിപ്തുകാരനും ഒരു സിറിയക്കാരനും രോഗം പകർന്നതെന്ന് എങ്ങനെയെന്ന് അന്വേഷിച്ചു വരുന്നു. കഴിഞ്ഞ 24 മണിക്കൂറിനുള്ളിൽ 12 രോഗികൾ കൂടി രോഗമുക്തരായി. ഇതോടെ രാജ്യത്ത് കൊവിഡ് രോഗമുക്തി നേടിയവരുടെ എണ്ണം 123 ആയി.