തിരുവനന്തപുരം:തലസ്ഥാനത്ത് ലോക്ക് ഡൗൺ നിർദ്ദേശങ്ങൾ പാലിക്കാത്ത 74 പേർക്കെതിരെ ഇന്നലെ കേസെടുത്തു. 58 വാഹനങ്ങൾ പിടിച്ചെടുത്തു. രോഗവ്യാപനം ഉണ്ടാക്കുന്ന തരത്തിൽ വിലക്കു ലംഘനം നടത്തിയ 69 പേർക്കെതിരെ എപ്പിഡെമിക് ഡിസീസസ് ഓർഡിനൻസ് പ്രകാരവും അനാവശ്യയാത്ര ചെയ്ത 8 പേർക്കെതിരേയുമാണ് കേസെടുത്തതെന്ന് സിറ്റി പൊലീസ് കമ്മിഷണർ റാം കുമാർ ഉപാദ്ധ്യായ അറിയിച്ചു. കൂടുതൽ കേസുകൾ മെഡിക്കൽ കോളേജ്, ശ്രീകാര്യം, വഞ്ചിയൂർ സ്‌റ്റേഷനുകളിലാണ്. 58 വാഹനങ്ങൾ പിടിച്ചെടുത്തു. 54 ഇരുചക്ര വാഹനങ്ങളും 4 ആട്ടോറിക്ഷകളുമാണ് പിടിച്ചെടുത്തത്. പൊലീസിന്റെ 'റോഡ് വിജിൽ ആപ്പ്' വഴി നടത്തിയ പരിശോധനയിലാണ് ഇന്നലെ അനാവശ്യയാത്രകൾ നടത്തിയ കൂടുതൽപേരും പിടിയിലായത്.ഇന്ന് (ഞായർ) വർക്ക്‌ഷോപ്പ്,സ്‌പെയർ പാർട്സ് കടകൾ, മൊബൈൽഷോപ്പ്, ഫാൻ,എ.സി കടകൾ എന്നിവ 10 മുതൽ 5വരെ പ്രവർത്തിപ്പിക്കാം. കണ്ണടക്കടകൾ തിങ്കളാഴ്ച മാത്രമേ പ്രവർത്തിക്കാൻ പാടുള്ളൂ.