വാഷിംഗ്ടൺ: അമേരിക്കൻ ആണവ വിമാന വാഹിനിക്കപ്പലായ തിയഡോർ റൂസ്‌വെൽറ്റിൽ 550 നാവികർക്ക് കൊവിഡ് സ്ഥിരീകരിച്ചു. ശനിയാഴ്ച 100 പേർക്ക് കുടി വൈറസ് ബാധ സ്ഥിരീകരിച്ചതോടെയാണ് രോഗബാധിതർ 550 ആയത്. 4800 നാവികരാണ് കപ്പലിൽ ഉണ്ടായിരുന്നത്.

92 ശതമാനം നാവികരെയും പരിശോധനയ്ക്ക് വിധേയമാക്കിയെന്നും 550 പേർക്ക് പോസിറ്റീവും 3673 പേർക്ക് നെഗറ്റീവും റിസൾട്ട് ലഭിച്ചതായും നേവി അറിയിച്ചു. ലോകത്താകെയുള്ള യു.എസ് നാവികസേനാംഗങ്ങളിൽ 945 പേർക്കാണ് കൊവിഡ് സ്ഥിരീകരിച്ചിരിക്കുന്നത്.