തിരുവനന്തപുരം: കൊവിഡ് 19 രോഗലക്ഷണങ്ങളെ തുടർന്ന് ഇന്നലെ പുതുതായി 165 പേരെ നിരീക്ഷണത്തിലാക്കി. രോഗലക്ഷണങ്ങളുമായി 27 പേരെ വിവിധ ആശുപത്രികളിൽ പ്രവേശിപ്പിച്ചു. 18 പേരെ ഡിസ്ചാർജ് ചെയ്തു. 669 പേർ 28 ദിവസ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. മെഡിക്കൽ കോളേജ് 61, ​ജനറൽ ആശുപത്രി 8,​ നെയ്യാറ്റിൻകര നെടുമങ്ങാട് ജില്ലാ ആശുപത്രികളിൽ മൂന്ന് വീതം,​ എസ്.എ.ടി ആറ്,​ പേരൂർക്കട മാനസികാരോഗ്യ കേന്ദ്രം ആറ്,​ വിവിധ സ്വകാര്യ ആശുപത്രികളിൽ 21 പേർ എന്നിവരുൾപ്പെടെ 110 പേർ ജില്ലയിൽ ചികിത്സയിലുണ്ട്. ജില്ലയിൽ കൊവിഡ് പോസിറ്റീവായ രണ്ട് പേരാണ് ഇപ്പോൾ ചികിത്സയിലുള്ളത്. ഇന്നലെ 209 സാമ്പിളുകൾ പരിശോധനയ്ക്കായി അയച്ചു. ലഭിച്ച 123 പരിശോധനാ ഫലങ്ങളും നെഗറ്റീവാണ്. ഇനി 242 ഫലം ലഭിക്കാനുണ്ട്. മാർ ഇവാനിയോസ് ഹോസ്റ്റൽ 24,​ വിഴിഞ്ഞം സെന്റ് മേരീസ് സ്‌കൂൾ 21 എന്നിവരടക്കം ആകെ 45 പേർ കരുതൽ കേന്ദ്രങ്ങളിൽ നിരീക്ഷണത്തിലുണ്ട്.

 ആകെ നിരീക്ഷണത്തിലുള്ളവർ: 3879

 വീടുകളിൽ നിരീക്ഷണത്തിലുള്ളവർ: 3724