ലക്നൗ: ഉത്ത‍ർപ്രദേശിൽ ആരോഗ്യപ്രവർത്തകർക്കുനേരെ വീണ്ടും ആക്രണമം. മൊറാദാബാദി​ൽ കൊവിഡ് രോഗലക്ഷണങ്ങൾ പ്രകടിപ്പിച്ചയാളെ ആശുപത്രിയിലേക്ക് കൊണ്ടുപോകാനായി​ എത്തി​യ ആരോഗ്യപ്രവ‍ർത്തകർക്കും ആംബുലൻസിനും നേരെ ഒരുകൂട്ടമാളുകൾ സംഘടി​ച്ച് കല്ലെറി​യുകയായി​രുന്നു. സ്ഥലത്തുണ്ടായി​രുന്ന പൊലീസുനേരെയും ഇവർ കല്ലെറി​ഞ്ഞു. ആർക്കെങ്കി​ലും പരി​ക്കേറ്റോ എന്ന് വ്യക്തമല്ല.

പ്രദേശത്ത് കഴിഞ്ഞ ദിവസം ഒരാൾ കൊവിഡ് ബാധിച്ച് മരിച്ചിരുന്നു. ഇവരുടെ കുടുംബാംഗങ്ങളെ ആശുപത്രിയിലേക്ക് മാറ്റിയിട്ടുണ്ട്. ഇതേ പ്രദേശത്തുള്ള രോഗ ലക്ഷണങ്ങൾ പ്രകടിപ്പിച്ച മറ്റൊരാളെ ആശുപത്രിയിൽ എത്തി​ക്കാനായി​ വന്നതായി​രുന്നു ആരോഗ്യപ്രവർത്തകർ.

അതിനിടെ രാജ്യത്ത് കൊവിഡ് ബാധിച്ചവരുടെ എണ്ണം പതിനൊന്നായിരം കടന്നു.ഡൽഹി​, രാജസ്ഥാൻ, മദ്ധ്യപ്രദേശ് സംസ്ഥാനങ്ങളിലാണ് ഉത്തരേന്ത്യയിൽ കൊവിഡ് ബാധിക്കുന്നവരുടെ എണ്ണം കൂടുന്നത്.