ന്യൂഡൽഹി: കൊവിഡ് പ്രതിരോധത്തില്‍ കേരളത്തെ അഭിനന്ദിച്ച് കോണ്‍ഗ്രസ് നേതോവ് രാഹുല്‍ ഗാന്ധി. പ്രതിരോധ പ്രവര്‍ത്തനങ്ങളില്‍ കേരളം മാതൃകയാണെന്നായിരുന്നു രാഹുലിന്‍റെ പരാമര്‍ശം. കൊവിഡിനെ നേരിടാന്‍ ലോക്ക് ഡൗണ്‍ മാത്രമല്ല പരിഹാരമെന്നും പരിശോധന വ്യാപകമാക്കണമെന്നും രാഹുല്‍ ആവശ്യപ്പെട്ടു.
സർക്കാർ ആവശ്യത്തിന് പരിശോധന നടത്തുന്നില്ല. പരിശോധന തന്ത്രപരമായി നടത്തണം. വയനാട്ടിൽ ഇത് വിജയകരമായി നടപ്പാക്കിയെന്നും രാഹുല്‍ പറഞ്ഞു. പ്രധാനമന്ത്രി സംസ്ഥാനങ്ങളെ ശക്തിപ്പെടുത്തണമെന്നും രാഹുല്‍ വീഡിയോ കോൺഫറൻസിംഗ് വഴി നടത്തിയ വാർത്താസമ്മേളനത്തിൽ ആവശ്യപ്പെട്ടു.