തിരുവനന്തപുരം: ജില്ലയിൽ ഇന്നലെ ലഭിച്ച 61 പരിശോധനാഫലവും നെഗറ്റീവായതോടെ വീണ്ടും ആശ്വാസദിനം. ജില്ലയിൽ ഇതുവരെ പോസിറ്റീവായ പതിനാറ് പേരിൽ രണ്ട് പേർ മാത്രമാണ് ചികിത്സയിലുള്ളത്. ഇന്നലെ 92 സാമ്പിളുകളാണ് പരിശോധനയ്ക്ക് അയച്ചത്. പുതുതായി 212 പേർ രോഗനിരീക്ഷണത്തിലായി. 392 പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ 2,203 പേരാണ് വീടുകളിൽ കരുതൽ നിരീക്ഷണത്തിലുള്ളത്.

ജില്ലയിലെ ആശുപത്രികളിൽ ഇന്നലെ രോഗ ലക്ഷണങ്ങളുമായി 26 പേരെ പ്രവേശിപ്പിച്ചു. 16 പേരെ ഡിസ്ചാർജ് ചെയ്തു. തിരുവനന്തപുരം മെഡിക്കൽ കോളേജിൽ 67 പേരും ജനറൽ ആശുപത്രിയിൽ 7 പേരും നെടുമങ്ങാട് ജില്ലാ ആശുപത്രിയിൽ 4 പേരും പേരൂർക്കട ജില്ലാ മാതൃകാ ആശുപത്രിയിൽ 3 പേരും എസ്.എ.ടി ആശുപത്രിയിൽ 3 പേരും പേരൂർക്കട മാനസികാരോഗ്യ കേന്ദ്രത്തിൽ 8 പേരും വിവിധ സ്വകാര്യ ആശുപത്രികളിൽ 24 പേരും ഉൾപ്പെടെ 116 പേർ ജില്ലയിൽ ആശുപത്രികളിൽ ചികിത്സയിലുണ്ട്. കരുതൽ നിരീക്ഷണത്തിനായി മാർ ഇവാനിയോസ് ഹോസ്റ്റലിൽ 40 പേരെ താമസിപ്പിച്ചിട്ടുണ്ട്.

വാഹന പരിശോധന

അമരവിള, കോഴിവിള, ഇഞ്ചിവിള, ആറുകാണി, വെള്ളറട, നെട്ട, കാരക്കോണം-കന്നുമാമൂട്, ആറ്റുപുറം, തട്ടത്തുമല, കാപ്പിൽ, മടത്തറ എന്നിവിടങ്ങളിലായി 5958 വാഹനങ്ങളിലെ 10110 യാത്രക്കാരെ സ്ക്രീനിംഗ് നടത്തി

ഫീൽഡ് തല സർവൈവലൻസിന്റെ ഭാഗമായി ഇന്ന് 2057 പേരുടെ വീടുകളിൽ ആരോഗ്യ പ്രവർത്തകരും വോളണ്ടിയർമാരും എത്തി ആരോഗ്യ വിവരങ്ങൾ അന്വേഷിക്കുകയും ആവശ്യമായ ബോധവത്കരണം നടത്തുകയും ചെയ്തു.

കൊറോണ രോഗബാധയുമായി ബന്ധപ്പെട്ട് നിരീക്ഷണത്തിലുള്ളവരുടെ ആകെ എണ്ണം -2359

വീടുകളിൽ നിരീക്ഷണത്തിൽ ഉള്ളവരുടെ എണ്ണം -2203

ആശുപത്രികളിൽ നിരീക്ഷണത്തിലുള്ളവരുടെ എണ്ണം -116

കോവിഡ് കെയർ സെന്ററുകളിൽ നിരീക്ഷണത്തിലുള്ളവരുടെ
എണ്ണം - 40

ഇന്നലെ പുതുതായി നിരീക്ഷണത്തിലായവരുടെ എണ്ണം -212

‌