ന്യൂഡൽഹി: ലോക്ക് ഡൗൺ ഇളവുകളിൽ കേരളത്തിന്റെ ആവശ്യങ്ങൾ അം​ഗീകരിച്ച് കേന്ദ്ര സർക്കാർ. തോട്ടം മേഖലയ്ക്ക് തിങ്കളാഴ്ച മുതൽ ലോക്ക് ഡൗൺ ഇളവ് പ്രഖ്യാപിച്ചു. ഏപ്രിൽ 20 മുതൽ തോട്ടം മേഖലയെ പൂർണമായും ലോക്ക് ഡൗണിൽ നിന്ന് ഒഴിവാക്കിയിട്ടുണ്ട്. സുഗന്ധവ്യഞ്ജന തോട്ടങ്ങളെയും ഈ പട്ടികയിൽ ഉൾപ്പെടുത്തിയിട്ടുണ്ട്. വനവിഭവങ്ങൾ ശേഖരിക്കുന്നതിനും ഇളവുണ്ട്. തെങ്ങിൻ തോപ്പുകൾക്കും ലോക്ക് ഡൗൺ ബാധകമല്ല. സഹകരണ സംഘങ്ങൾക്കും ഏപ്രിൽ 20 ന് ശേഷം തുറന്ന് പ്രവർത്തിക്കാം. ഇനിയും കൂടുതൽ ഇളവുകൾ ഉണ്ടാകുമെന്നാണ് പ്രതീക്ഷിക്കുന്നത്. കൊവിഡ് സംസ്ഥാനത്ത് നിയന്ത്രണവിധേയമാകുന്ന പശ്ചാത്തലത്തിൽ സംസ്ഥാനത്തെ നാലുമേഖലകളാക്കിത്തിരിച്ച് നിയന്ത്രണങ്ങളിൽ ഇളവ് അനുവദിക്കണമെന്ന് കേരളം കഴിഞ്ഞദിവസം കേന്ദ്രത്തോട് ആവശ്യപ്പെട്ടിരുന്നു,

അതേസമയം, അഞ്ച് ലക്ഷം കോടി രൂപയുടെ പാക്കേജ് പരിഗണനയിലാണെന്ന് കേന്ദ്രസർക്കാർ അറിയിച്ചു. പാക്കേജിനെക്കുറിച്ചാലോചിക്കാൻ ധനമന്ത്രാലയ ഉദ്യോഗസ്ഥർ ഇന്നലെ യോഗം ചേർന്നു.ആദായനികുതി ഇളവ് നൽകുന്ന കാര്യം പരിഗണിക്കുമെന്നാണ് റിപ്പോർട്ട്.