ശ്രീനഗർ: ജമ്മു കശ്മീരിലെ ഷോപിയാൻ ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ ഒരു ഭീകരൻ കൊല്ലപ്പെട്ടു.കീഗം ഗ്രാമത്തിൽ ഭീകരർ ഒളിച്ചിരിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ ഇന്ന് പുലർച്ചെ നടത്തിയ തെരച്ചിലിനിടെയാണ് ഏറ്റുമുട്ടലുണ്ടായത്.

സൈന്യവും സി.ആർ.പി.എഫും പാെലീസും സംയുക്തമായാണ് തെരച്ചിൽ നടത്തിയത്. തീവ്രവാദികളാണ് സുരക്ഷാ സേനയ്ക്ക് നേരേ ആദ്യം വെടിയുതിർത്തത്. പിന്നാലെയുള്ള ഏറ്റുമുട്ടലിലാണ് ഭീകരനെ വധിച്ചത്‌.
കൂടുതൽ തീവ്രവാദികൾ പ്രദേശത്ത് ഒളിച്ചിരിക്കുന്നുണ്ടെന്ന് വിവരം ലഭിച്ചതോടെ സൈന്യം പ്രദേശത്ത് കൂടുതൽ തെരച്ചിൽ നടത്തുകയാണ്.