കൊല്ലം: വൈദ്യുതി കടത്തിവിട്ട് മീൻ പിടിക്കുന്നതിനിടയിൽ യുവാവ് ഷോക്കേറ്റ് മരിച്ചു. ചടയമംഗലം കലയം പടിഞ്ഞാറ്റിൻകര പുത്തൻവീട്ടിൽ ബാലചന്ദ്രൻ പിള്ളയുടെ മകൻ ശരത്താണ് (30) മരിച്ചത്. വൈദ്യുതി ലൈനിൽ നിന്ന് അനധികൃതമായി വൈദ്യുതി പ്രവഹിപ്പിച്ചാണ് ഇത്തിക്കരയാറ്റിൽ നിന്ന് മീൻപിടിച്ചിരുന്നത്. വയറിന്റെ അഗ്രം വൈദ്യുതി ലൈനിൽ കൊളുത്തി മറ്റേയറ്റം ഇത്തിക്കരയാറ്റിൽ കരിനീലിക്കയം ഭാഗത്ത് എത്തിച്ചായിരുന്നു മീൻപിടിത്തം. രാത്രിയിലായിരുന്നതിനാൽ സംഭവം ആരും അറിഞ്ഞില്ല. രാവിലെ വഴിയാത്രക്കാരാണ് മരണ വിവരം പൊലീസിൽ അറിയിച്ചത്. ഒരു വർഷം മുമ്പും സമാനമായ അപകടം ഇവിടെ നടന്നിട്ടുണ്ട്. ചടയമംഗലം പൊലീസ് കേസെടുത്തു.