തിരുവനന്തപുരം: പാളയം സെന്റ്. ജോർജ് ഓ‌‌ർത്തഡോക്സ് സിറിയൻ കത്തീഡ്രൽ വികാരി ആയൂർ മീറായിക്കോട് താന്നിവിള മിസ്‌പയിൽ ഫാ.റെജി ലൂക്കോസ് (55) നിര്യാതനായി. കരൾ രോഗം ബാധിച്ച് വെല്ലൂർ ആശുപത്രിയിൽ ചികിത്സയിലായിരുന്നു. മൃതദേഹം ഇന്ന് രാവിലെ ഒമ്പതിന് പാറ്റൂർ സെമിത്തേരി ചാപ്പലിൽ പൊതുദർശനത്തിന് വയ്ക്കും. സംസ്കാരം ഉച്ചയ്ക്ക് രണ്ടിന് സെന്റ്. ജോർജ് കത്തീഡ്രലിലെ ശുശ്രൂഷകൾക്ക് ശേഷം പാറ്റൂർ സെമിത്തേരിയിൽ. തിരുവനന്തപുരം ഭദ്രാസന കൗൺസിൽ അംഗവും ദിവ്യദൂത് കൺവീനറുമായിരുന്നു. ഭാര്യ: അന്നമ്മ ജോർജ് (അദ്ധ്യാപിക, ഹോളി ട്രിനിറ്റി സ്കൂൾ, ശ്രീകാര്യം), മക്കൾ: രേഷ്മ, റെെയ്ച്ചൽ (ഇരുവരും വിദ്യാർത്ഥികൾ).