തിരുവനന്തപുരം: മുൻഗണനാ (പിങ്ക്)​ റേഷൻ കാ‌ർഡുടമകൾക്കുള്ള പലവ്യഞ്ജനകിറ്റ് 27 മുതലേ റേഷൻ കടകൾ വഴി വിതരണം ചെയ്യുകയുള്ളൂ. നേരത്തെ 22ന് വിതരണം ചെയ്യുമെന്നാണ് അറിയിച്ചിരുന്നത്. ഇതേ വിഭാഗക്കാർക്കുള്ള പ്രധാനമന്ത്രി ഗ്രാമീൺ കല്യാൺ യോജന പദ്ധതിപ്രകാരമുള്ള സൗജന്യ അരി (ആളൊന്നിന് അഞ്ച് കിലോഗ്രാം)​ വിതരണത്തിനും കാർ‌ഡ് നമ്പർ അനുസരിച്ച് പുതിയ വിതരണ തീയതികൾ നിശ്ചയിച്ചു. കടകളിലുണ്ടാകാനിടയുള്ള തിരക്ക് കണക്കിലെടുത്താണ് പുതിയ ക്രമീകരണം.

അന്ത്യോദയ അന്നയോജന കാർഡ് (മഞ്ഞ)​ വിഭാഗക്കാർക്കുള്ള കേന്ദ്രസർക്കാരിന്റെ സൗജന്യ അരി വിതരണം ഇന്നലെ ആരംഭിച്ചിരുന്നു. 2.25 ലക്ഷം കാർഡ് ഉടമകൾ റേഷൻ വാങ്ങി. ഈ വിഭാഗക്കാർക്ക് ഇന്നും സൗജന്യ അരി ലഭിക്കും.എ.എ.വൈ വിഭാഗക്കാർക്ക് കിറ്റുകൾ നേരത്തെ വിതരണം ചെയ്തിരുന്നു.

 പിങ്ക് കാർഡുകാർക്കുള്ള അരി വിതരണം

റേഷൻ കാർഡിന്റെ അവസാന നമ്പർ - തീയതി

1,​ 2 - ഏപ്രിൽ 22, 3,​ 4 - ഏപ്രിൽ 23, 5,​ 6 - ഏപ്രിൽ 24,7,​ 8 - ഏപ്രിൽ 25, 9,​ 0 - ഏപ്രിൽ 26.

 കിറ്റ് വിതരണം

നമ്പർ- തീയതി

0-- ഏപ്രിൽ 27, 1-- ഏപ്രിൽ 28, 2--ഏപ്രിൽ 29, 3-- ഏപ്രിൽ 30, 4-- മേയ് 2, 5--മേയ് 3, 6--മേയ് 4, 7-- മേയ് 5, 8-- മേയ് 6, 9--മേയ് 7