കോട്ടയം: സ്പ്രിംഗ്ലർ വിവാദത്തിൽ മുഖ്യമന്ത്രിക്കെതിരെ കോൺഗ്രസ് നേതാവ് തിരുവഞ്ചൂർ രാധാകൃഷ്ണർ രംഗത്തെത്തി. സി.പി.എം നിലപാട് വൈരുദ്ധ്യം നിറഞ്ഞതാണ്. അധികാരം കയ്യിൽ കിട്ടിയപ്പോൾ ഡാറ്റ കൈമാറ്റത്തിൽ മുഖ്യമന്ത്രി നിലപാട് മാറ്റി. കൊവിഡിന്റെ മറവിൽ സാധാരണക്കാരന്റെ വിവരങ്ങൾ കൊള്ളയടിക്കുകയാണ് സർക്കാർ ചെയ്യുന്നത്.
വകുപ്പ് സെക്രട്ടറി മാത്രമാണ് ഉത്തവ‌ാദിയെന്ന് പറയുന്നത് ജനങ്ങളെ വിഡ്ഢിയാക്കാനാണ്. കരാറിൽ നിന്ന് സർക്കാർ പിന്മാറണം. ഇടപാടിൽ സമഗ്ര അന്വേഷണം നടത്തണം. മുഖ്യമന്ത്രി ഇടപാടിനെപ്പറ്റി ജനങ്ങളോട് വിശദീകരിക്കണം. മുഖ്യമന്ത്രിക്ക് ചോദ്യങ്ങളെ അവഗണിച്ച് മുന്നോട്ട് പോകാനാവില്ല- തിരുവഞ്ചൂർ പറഞ്ഞു.