നെയ്യാറ്റിൻകര: മലയോര മേഖലയിൽ വാറ്റിയെടുത്ത ചാരായവുമായി രണ്ട് യുവാക്കൾ പിടിയിൽ. നെയ്യാറ്റിൻകര തത്തിയൂർ മണ്ണൂർ വിഷ്ണു വിലാസത്തിൽ ശിവൻകുട്ടി (21), ആര്യങ്കോട് കോട്ടക്കൽ നെടിയവിള പുത്തൻവീട്ടിൽ ഷീൻ രാജ് (25) എന്നിവരെയാണ് പിടികൂടിയത്. കോട്ടക്കൽ സ്വദേശിയായ ഷീൻ രാജിന്റെ നേതൃത്വത്തിൽ രഹസ്യ സ്ഥലങ്ങളിൽ വച്ച് വാറ്റിയെടുക്കുന്ന ചാരായം ആവശ്യക്കാർക്ക് ബൈക്കിൽ എത്തിക്കുന്നതിനിടെയാണ് ഇവർ പിടിയിലായത്. തിരുവനന്തപുരം റൂറൽ എസ്. പി അശോകനു ലഭിച്ച രഹസ്യവിവരത്തിന്റെ അടിസ്ഥാനത്തിൽ കോട്ടക്കൽ ജംഗ്ഷനിൽ നടത്തിയ വാഹന പരിശോധനയിലാണ് ബൈക്കിൽ കൊണ്ടുവന്ന 5 ലിറ്റർ ചാരായവുമായി യുവാക്കൾ പിടിയിലായത്. നർക്കോട്ടിക്ക് സെൽ എസ്.ഐ ഷീബു കുമാർ, മാരായമുട്ടം എസ്.ഐ മൃദുൽ കുമാർ, സി.പി.ഒമാരായ അബിലാഷ്, അലക്സ്, അരുൺ തുടങ്ങിയ സംഘമാണ് യുവാക്കളെ പിടികൂടിയത്.