ചെന്നൈ: ചെന്നൈയിൽ 27 മാദ്ധ്യമപ്രവർത്തകർക്ക് കൂടി കൊവിഡ് സ്ഥിരീകരിച്ചു. റോയപുരത്ത് കൊവിഡ് സ്ഥീരികരിച്ച സ്വകാര്യ ചാനൽ മാദ്ധ്യമപ്രവർത്തകന്റെ സഹപ്രവർത്തകർക്കാണ് രോഗം സ്ഥിരീകരിച്ചത്. ജീവനക്കാർക്ക് കൂട്ടത്തോടെ കൊവിഡ് ബാധിച്ചതിനാൽ ചാനൽ താത്കാലികമായി അടച്ചു.

സഹപ്രവർത്തകരായ 94 പേരുടെ സാമ്പിളുകൾ പരിശോധിച്ചതിൽ നിന്നാണ് 27പേർക്ക് രോഗം ബാധിച്ചതായി കണ്ടെത്തിയത്. ചില പരിശോധന ഫലങ്ങൾ കൂടി വരാനുണ്ടെന്ന് റോയപുരം കോർഷറേഷൻ അധികൃതർ വ്യക്തമാക്കി.

തമിഴ്നാട്ടിൽ ഇതുവരെ 1520 പേർക്കാണ് കൊവിഡ് സ്ഥിരീകരിച്ചത്. പതിനേഴ് പേർ മരിച്ചു. 457 പേർ രോഗമുക്തരായി.