നാഗർകോവിൽ: കന്യാകുമാരി ജില്ലയിലെ ഒരാൾ കൂടി രോഗമുക്തനായി. നാഗർകോവിൽ ആശാരിപ്പള്ളം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന തേങ്ങാപട്ടണം സ്വദേശിയാണ് രോഗമുക്തനായത്.കഴിഞ്ഞ 9നാണ് ഇയാളെ ആശുപത്രിയിൽ പ്രവേശിപ്പിച്ചത്. ചികിത്സയ്ക്ക് ശേഷം കഴിഞ്ഞ ദിവസം നടത്തിയ പരിശോധനയിൽ ഫലം നെഗറ്റീവായതിനെ തുടർന്ന് ഇയാളെ ഡിസ്ചാർജ് ചെയ്തു. 14ന് ശേഷം കന്യാകുമാരിയിൽ ഇതുവരെ ആർക്കും കൊവിഡ് സ്ഥിരീകരിച്ചിട്ടില്ല. ഇപ്പോൾ 15പേരാണ് ചികിത്സയിൽ കഴിയുന്നത്. 213 പേർ വീടുകളിൽ ആരോഗ്യ വകുപ്പിന്റെ നിരീക്ഷണത്തിലാണ്.