തിരുവനന്തപുരം:ഇന്നലെ ലഭിച്ച 20 പരിശോധനാഫലവും നെഗറ്റീവായത് ജില്ലയ്ക്ക് ആശ്വാസമായി. 43സാമ്പിളുകൾ കൂടി പരിശോധനയ്ക്കായി അയച്ചു. പുതുതായി 410 പേർ രോഗനിരീക്ഷണത്തിലായി. 71പേർ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ1798 പേർ വീടുകളിൽ കരുതൽ നിരീക്ഷണത്തിലുണ്ട്. ഇന്നലെ രോഗലക്ഷണങ്ങളുമായി 9 പേരെ ആശുപത്രികളിൽ പ്രവേശിപ്പിച്ചു.5 പേരെ ഡിസ്ചാർജ് ചെയ്തു.മെഡിക്കൽ കോളേജിൽ 25 പേരും ജനറൽ ആശുപത്രിയിൽ 5 പേരും എസ്.എ.ടി ആശുപത്രിയിൽ 2 പേരും പേരൂർക്കട മാനസികാരോഗ്യ കേന്ദ്രത്തിൽ ഒരാളും വിവിധ സ്വകാര്യ ആശുപത്രികളിൽ 14 പേരും ഉൾപ്പെടെ 47പേർ ജില്ലയിൽ ആശുപത്രികളിൽ ചികിത്സയിലുണ്ട്. ജില്ലയിൽ ഇപ്പോൾ രണ്ട് പേരാണ് രോഗബാധിതരായുള്ളത്.

കരുതൽ നിരീക്ഷണത്തിനായി മാർ ഇവാനിയോസ് ഹോസ്റ്റലിൽ 75 പേരെ താമസിപ്പിച്ചിട്ടുണ്ട്

നിരീക്ഷണത്തിലുള്ളവർ -1920

വീടുകളിൽ നിരീക്ഷണത്തിൽ ഉള്ളവർ -1798

ആശുപത്രികളിൽ നിരീക്ഷണത്തിലുള്ളവർ -47

കോവിഡ് കെയർ സെന്ററുകളിൽ നിരീക്ഷണത്തിലുള്ളവർ -75

ഇന്നലെ പുതുതായി നിരീക്ഷണത്തിലായവർ -410