തിരുവനന്തപുരം: ഇക്കൊല്ലം 199 മെഡിക്കൽ ബിരുദാനന്തര ബിരുദ സീ​റ്റുകൾ അനുവദിക്കാൻ ആരോഗ്യ സർവകലാശാലാ ഗവേണിംഗ് കൗൺസിൽ തീരുമാനിച്ചു. സർവകലാശാലയ്ക്ക് കീഴിലുള്ള കോളേജുകളിൽ പഠനം പൂർത്തീകരിച്ച വിവിധ ഫാക്കൽ​റ്റികളിലുള്ള 9458 വിദ്യാർത്ഥികളുടെ ബിരുദം കൗൺസിൽ യോഗം അംഗീകരിച്ചു. കൊവിഡ് വ്യാപനത്തിന്റെ പശ്ചാത്തലത്തിൽ ബിരുദ സർട്ടിഫിക്ക​റ്റുകൾ വിദ്യാർത്ഥികളുടെ വീടുകളിലേക്ക് അയച്ചു കൊടുക്കും. നിലവിലെ 155 കോളേജുകൾക്ക് തുടർ പ്രവർത്തനാനുമതി നൽകി. നാലുമണിക്കൂറിലേറെ നീണ്ടുനിന്ന കൗൺസിൽ യോഗം വീഡിയോ കോൺഫറൻസ് വഴിയാണ് നടത്തിയത്. വി.സി മോഹനൻ കുന്നുമ്മൽ അദ്ധ്യക്ഷനായി.