വിശുദ്ധ റമദാൻ മാസം ആരംഭിച്ചിരിക്കുന്ന സാഹചര്യത്തിൽ,​ പ്രത്യേകിച്ച് കൊവിഡ് പകർച്ചവ്യാധിയുടെ പശ്ചാത്തലത്തിൽ ആളുകൾ ആരോഗ്യത്തോടെയും പകർച്ചവ്യാധികളിൽ നിന്ന് സുരക്ഷിതരായി തുടരുന്നുവെന്നും ഉറപ്പാക്കേണ്ടത് പ്രധാനമാണ്. ഈന്തപ്പഴം,​ മറ്റു പഴവർഗങ്ങൾ,​ ജ്യൂസുകൾ മുതലായവയാണ് റമദാനിൽ ഏറ്റവും സാധാരണവും ജനപ്രിയവുമായ ഭക്ഷണങ്ങൾ. ഈ ഭക്ഷണങ്ങളെല്ലാം പ്രതിരോധശേഷി വർദ്ധിപ്പിക്കാൻ സഹായിക്കുന്നതാണ്.

രോഗപ്രതിരോധ ശേഷി വർദ്ധിപ്പിക്കുന്നതിന് ഈന്തപ്പഴം വളരെയേറെ സഹായിക്കുന്നു. ആരോഗ്യപരമായ പല ഗുണങ്ങൾക്കും ഡ്രെെ ഫ്രൂട്ട്സ് ഭക്ഷണത്തിൽ ഉൾപ്പെടുത്തുന്നത് നല്ലതാണ്. അവ ശരീരഭാരം കുറയ്ക്കാൻ സഹായിക്കുന്നു. പഴുത്തതും ഉണങ്ങിയതുമായ ഈന്തപ്പഴം വിറ്റാമിൻ സിയുടെ ഉറവിടമാണ്. ഇത് ശരീരത്തിന്റെ പ്രതിരോധശേഷി വർദ്ധിപ്പിക്കുന്നതിന് ഏറ്റവും പ്രധാനപ്പെട്ട ഘടകമാണ്.

വിറ്റാമിൻ സിയും ആന്റിഓക്‌സിഡന്റുകളും രോഗങ്ങളെ അകറ്റി നിർത്താൻ സഹായിക്കും, പ്രത്യേകിച്ച് ശ്വസന പ്രശ്നങ്ങൾ. വിറ്റാമിൻ എ 1, ബി 1, ബി 2, ബി 3, ബി 5 തുടങ്ങിയ വിറ്റാമിനുകളും ഈന്തപ്പഴത്തിൽ സമ്പന്നമാണ്. ഈ പോഷകങ്ങളും ആന്റിഓക്‌സിഡന്റുകളും ശരീരത്തെ ആരോഗ്യകരമായി നിലനിർത്താനും പ്രതിരോധശേഷി വർദ്ധിപ്പിക്കാനും സഹായിക്കുന്നു. ഈന്തപ്പഴത്തിൽ അടങ്ങിയിരിക്കുന്ന പഞ്ചസാര വളരെനേരം ഊർജ്ജസ്വലമായിരിക്കാൻ നിങ്ങളെ സഹായിക്കുന്നു.

നോമ്പുകാലത്ത് പോലും തീവ്രത കുറഞ്ഞ വ്യായാമങ്ങൾ ചെയ്യാനുള്ള ഊർജ്ജം നിങ്ങൾക്ക് ഉണ്ടെന്ന് ഉറപ്പാക്കാൻ ഈന്തപ്പഴത്തിന് കഴിയും. ആരോഗ്യകരമായ രോഗപ്രതിരോധ സംവിധാനത്തിന് വ്യായാമം വളരെ പ്രധാനമാണ്. ദഹനപ്രശ്നങ്ങൾ ഉള്ളവർ ഭക്ഷണക്രമത്തിൽ ഈന്തപ്പഴം ഉൾപ്പെടുത്തണം. സാധാരണയായി അത് ഒന്നോ രണ്ടോ ദിവസത്തിനുള്ളിൽ ഭേദമാകും.

നിങ്ങൾക്ക് ഈന്തപ്പഴം എങ്ങനെ ഉപയോഗിക്കാം?

ഈന്തപ്പഴം പലവിധത്തിൽ ഉപയോഗിക്കാം. തിളപ്പിച്ച പാലിൽ ചേർത്ത് കഴിക്കാം. മധുരപലഹാരങ്ങളായും വിവിധ മധുരപലഹാരങ്ങളിൽ പഞ്ചസാരയ്ക്ക് പകരമായി ഉപയോഗിക്കാം. ലഘുഭക്ഷണമായി കഴിക്കാം.