കാസർകോട്: കൊവി​ഡ് ബാധിതരുടെ വിവരങ്ങൾ ചോർന്നു എന്ന റി​പ്പോർട്ടി​നെത്തുടർന്ന് കാസർകോട് ജില്ലാ ഭരണകൂടം അന്വേഷണം ആരംഭിച്ചു. വിഷയം ഗൗരവമുള്ളതാണെന്നും കൂടുതൽ അന്വേഷിക്കേണ്ടതുണ്ടെന്നും ജില്ലാ ഭരണകൂടം വ്യക്തമാക്കി.ഇതി​നൊപ്പം ആരോഗ്യ വകുപ്പും അന്വേഷണം നടത്തും.

കൊവിഡ് രോഗം ഭേദമായവരെ വിളിച്ച് തുടർചികിത്സ വേണമെന്നും തങ്ങളുടെ ആശുപത്രിയിലേക്ക് വരണമെന്നും ആവശ്യപ്പെട്ട് ചില സ്വകാര്യ ആശുപത്രിയിലെ ഡോക്ടർമാർ വി​ളി​ച്ചതോടെയാണ് വി​വരചോർച്ച ഉണ്ടായെന്ന് സംശയമുയർന്നത്. തിരിച്ച് വിളിക്കാൻ കഴിയാത്ത നമ്പറുകളിൽ നിന്നാണ് പല കോളുകളുമെത്തിയത് .വി​ളി​ച്ചവരി​ൽ ചിലർ ഹിന്ദിയിലാണ് സംസാരിച്ചത്.