മുടപുരം :ലോക്ക് ഡൗൺ പശ്ചാത്തലത്തിൽ പള്ളിയിൽ നിസ്കാരവും നോമ്പ് തുറയും തറാവീഹ് നിസ്കാരവും ഇല്ലാത്തതിനാൽ മംഗലപുരം കുറക്കോട് മുസ്ലിം ജമാഅത്തിനു കീഴിലുള്ള 900 കുടുംബങ്ങൾക്ക് ഭക്ഷ്യധാന്യ കിറ്റ് വിതരണം ചെയ്തു. മംഗലപുരം പൊലീസ് എസ്.എച്ച്.ഒ പി.ബി.വിനോദ്,ജമാഅത്ത് ചീഫ് ഇമാം താഹ ദാരിമിയ്ക്കു കിറ്റ് നൽകി വിതരണോദ്‌ഘാടനം നിർവഹിച്ചു. ഗ്രാമ പഞ്ചായത്ത്‌ വികസനകാര്യ ചെയർമാൻ മംഗലപുരം ഷാഫി, ജമാഅത്ത് പ്രസിഡന്റ്മുഹമ്മദ്‌ ഷാഫി,സെക്രട്ടറി എം.അഷറഫ്, എം.കെ.ഹാഷിം,ഹബീബ്,താജുദീൻ,ബഷീർ മംഗലപുരം,ബഷീർ കുറക്കോട് എന്നിവർ പങ്കെടുത്തു.