കല്ലമ്പലം: മദ്ധ്യവയസ്കനെ ദുരൂഹ സാഹചര്യത്തിൽ വീട്ടിൽ മരിച്ച നിലയിൽ കണ്ടെത്തി. പുല്ലൂർമുക്ക് ഇടയിലരികത്ത് വീട്ടിൽ പരേതരായ അബ്ദുൽ ഖാദറിന്റെയും അബൂസാ ബീവിയുടെയും മകൻ സൈഫുദ്ദീൻ (52) ആണ് മരിച്ചത്. ഭാര്യയുമായി പിണങ്ങി ഒറ്റയ്ക്ക് താമസിച്ചിരുന്ന ഇയാളെ കഴിഞ്ഞ ദിവസം രാവിലെ വൈരമല തോട്ടത്തു വീട്ടിൽ നിലത്ത് പായയിൽ മരിച്ചുകിടക്കുന്നതായാണ് സുഹൃത്ത് കണ്ടത്. മരം മുറിക്കാനും കൂലിപ്പണിക്കും മറ്റും പോകുമായിരുന്നു . പതിവുപോലെ ജോലിക്ക് പോകാനായി സുഹൃത്ത് വന്നു വിളിക്കുമ്പോഴാണ് സംഭവം അറിയുന്നത്. കല്ലമ്പലം പൊലീസ് മൃതദേഹം പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. ഭാര്യ: നദീറ. മകൾ: ഷീജ.