മലപ്പുറം: കൊവിഡ് രോഗം ഭേദമാകാൻ വെള്ള മണ്ണെണ്ണ കുടിച്ചാൽ മതിയെന്ന വ്യാജ പ്രചരണം നടത്തിയ മലപ്പുറം സ്വദേശി പിടിയിൽ. പെരിന്തൽമണ്ണ നാരാങ്ങകുണ്ട് നേച്ചർവിങ്ങിൽ റൊണാൾഡ് ഡാനിയൽ എന്നയാൾക്കെതിരെയാണ് പൊലീസ് കേസെടുത്തത്. ഇയാൾ വെള്ള മണ്ണെണ്ണ കുടിച്ചാൽ കൊവിഡ് മാറുമെന്ന് സമൂഹ മാദ്ധ്യമങ്ങളിലൂടെ പ്രചരിപ്പിക്കുകയും മുഖ്യമന്ത്രിക്ക് കത്തയക്കുകയും ചെയ്തിരുന്നു. സമാന പ്രചരണങ്ങൾ നടത്തിയ ഇയാൾക്കെതിരെ നേരത്തെയും പൊലീസ് കേസെടുത്തിരുന്നു.