തിരുവനന്തപുരം:കൊവിഡ് ബാധിച്ച് ചികിത്സയിലായിരുന്ന മണക്കാട് സ്വദേശി ഫാത്തിമ ബീവിയും (80), വർക്കല സ്വദേശി ബൈജുവും (45) അസുഖം ഭേദമായി ആശുപത്രി വിട്ടതോടെ ജില്ലയിൽ നിലവിൽ രോഗബാധിതർ ഇല്ല. ഇന്നലെ ലഭിച്ച 39 പരിശോധനാഫലവും നെഗറ്റീവാണ്. 67 സാമ്പിളുകൾ ഇന്നലെ പരിശോധനയ്ക്കായി അയച്ചു.102 പേർ നിരീക്ഷണ കാലയളവ് രോഗലക്ഷണങ്ങളൊന്നുമില്ലാതെ പൂർത്തിയാക്കി. ജില്ലയിൽ പുതുതായി 152 പേർ രോഗനിരീക്ഷണത്തിലായി.1921 പേർ വീടുകളിൽ കരുതൽ നിരീക്ഷണത്തിലുണ്ട്. രോഗലക്ഷണങ്ങളുമായി 11 പേരെ ജില്ലയിലെ ആശുപത്രികളിൽ പ്രവേശിപ്പിച്ചു. തിരുവനന്തപുരം മെഡിക്കൽ കോളേജിൽ 34 പേരും ജനറൽ ആശുപത്രിയിൽ 9 പേരും ചേരൂർക്കട മാനസികാരോഗ്യ കേന്ദ്രത്തിൽ ഒരാളും വിവിധ സ്വകാര്യ ആശുപത്രികളിൽ 13 പേരും ഉൾപ്പെടെ 57 പേർ ആശുപത്രികളിൽ ചികിത്സയിലുണ്ട്. കരുതൽ നിരീക്ഷണത്തിനായി മാർ ഇവാനിയോസ് ഹോസ്റ്റലിൽ 97 പേരെ താമസിപ്പിച്ചിട്ടുണ്ട്.

ആകെ നിരീക്ഷണത്തിലുള്ളവർ - 2075

വീടുകളിൽ നിരീക്ഷണത്തിലുള്ളവർ -1921

ആശുപത്രികളിൽ നിരീക്ഷണത്തിലുള്ളവർ -57

കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ -97

ഇന്നലെ നിരീക്ഷണത്തിലായവർ -152

കളക്ടറേറ്റ് കൺട്രോൾ റൂം- 1077

ദിശ- 1056

കൗൺസലിംഗ് സേവനത്തിന് - 9846854844

വിദേശത്തു നിന്നെത്തിയവരുടെ വിവരം അറിയിക്കാൻ -9188610100