ലണ്ടൻ: ബ്രിട്ടീഷ് പ്രധാനമന്ത്രി ബോറിസ് ജോൺസന് കൊവിഡ് കാലത്തൊരു സന്തോഷവാർത്ത. ഭാര്യ പ്രസവിച്ചു. ആൺകുഞ്ഞ്. പ്രധാനമന്ത്രി തന്നെയാണ് ഇക്കാര്യം അറിയിച്ചത്. അമ്മയും കുഞ്ഞും സുഖമായിരിക്കുന്നതായി ബോറിസ് ജോൺസെന്റ വക്താവ് അറിയിച്ചു.

ലണ്ടനിലെ ആശുപത്രിയിലായിരുന്നു 32 കാരിയായ കാരി സിമണ്ടിന്റെ പ്രസവം. കഴിഞ്ഞ വർഷമാണ് 55കാരനായ ബോറിസ് ജോൺസൺ ബ്രിട്ടന്റെ പ്രധാനമന്ത്രിയായി ചുമതലയേറ്റത്. ബോറിസിന്റ മൂന്നാമത്തെ ഭാര്യയാണ് കാരി.ഇവർക്ക് കൊവിഡ് ബാധിച്ചുവെന്ന് നേരത്തെ അഭ്യൂഹങ്ങളുണ്ടായിരുന്നു.