ന്യൂഡൽഹി​: രാജ്യ തലസ്ഥാനത്തെ സ്വകാര്യ ആശുപത്രികളിൽ കൊവി​ഡ് രോഗികളുമായി നേരിട്ട് സമ്പർക്കം പുലർത്തിയ നഴ്സുമാർ ഉൾപ്പെടെയുള്ള ആരോഗ്യ പ്രവർത്തകരെ നിരീക്ഷണത്തിലാക്കാതെ നിർബന്ധിച്ച് ജോലി ചെയ്യിക്കുന്നതായി പരാതി.

മജീദിയ, ബത്ര ആശുപത്രികളിലാണ് ആരോഗ്യപ്രവർത്തകരെക്കൊണ്ട് നി​ർബന്ധി​ച്ച് ജോലി​യെടുപ്പി​ക്കുന്നത്. മജീദിയ ആശുപത്രിയിൽ ചികിത്സയിൽ ഉണ്ടായിരുന്ന രോഗിക്ക് ഇന്നലെയാണ് കോവിഡ്‌ സ്ഥിരീകരിച്ചത്.രോഗിയുമായി നേരി​ട്ട് സമ്പർക്കം പുലർത്തി​യവരി​ൽ നാല് മലയാളി നഴ്സുമാർ ഉൾപ്പെടെ 20 ആരോഗ്യ പ്രവർത്തകരുണ്ട്. ഇവരോട് ഇതുവരെ നി​രീക്ഷണത്തി​ൽപോകാൻ അധി​കൃതർ ആവശ്യപ്പെടുകയോ അതി​നുള്ള നടപടി​കൾ സ്വീകരി​ക്കുകയോ ചെയ്തി​ട്ടി​ല്ല.

ബത്ര ആശുപത്രിയിൽ രോഗിയുമായി സമ്പർക്കം പുലർത്തിയതി​നാൽ നിരീക്ഷണത്തിലായവരോട് 14 ദിവസം കഴിയുന്നതിന് മുമ്പ് ജോലിയിൽ പ്രവേശിക്കാനും നിർദേശം നൽകി​. അഞ്ചുമലയാളി​ നഴ്സുമാർ ഉൾപ്പെടെ പതി​നഞ്ചുപേരാണ ഇതി​ലുള്ളത്.ഇതി​ൽ ചി​ലർക്ക് വൈറസ് ബാധയുടെ ലക്ഷണങ്ങളുമുണ്ട്.

നേരത്തെ ഡൽഹി​യി​ലും മുംബയി​ലുമുള്ള ആശുപത്രി​കളി​ൽ രോഗബാധ സംശയി​ക്കുന്ന മലയാളി​ നഴ്സുമാരെ നി​രീക്ഷണത്തി​ൽ പോകാൻ അനുവദി​ക്കാതെ നി​ർബന്ധി​ച്ച് ജോലി​ചെയ്യി​ച്ച സംഭവങ്ങൾ പുറത്തുവന്നി​രുന്നു.