വെള്ളറട: ലോക്ക് ഡൗൺ വേളയിൽ യുട്യൂബിൽ വീഡിയോകണ്ട് വീട്ടിൽവച്ച് ചാരായം വാറ്റിയതിന് വെള്ളറട പാട്ടംതലയ്ക്കൽ ദേവിപുരം സ്വദേശി ജയകുമാരൻ നായരെ (52) അമരവിള എക്സൈസ് അറസ്റ്റ് ചെയ്തു. ഭാര്യാപിതാവിന്റെ മരണാനന്തര ചടങ്ങുകൾക്കായി ഭാര്യയും മക്കളും പോയ അവസരം നോക്കിയാണ് കുക്കറിൽ ചാരായം വാറ്റിയത്. ഇയാളുടെ അടുക്കളയിൽ നിന്ന് 1 ലിറ്റർ ചാരായം, പ്രഷർകുക്കർ , വാറ്റുപകരണങ്ങൾ എന്നിവ പിടിച്ചെടുത്തു. എക്സൈസ് ഇൻസ്പെക്ടർ അജീഷിന്റെ നേതൃത്വത്തിൽ പ്രിവന്റിവ് ഓഫീസർ രതീഷ്.ആർ, സിവിൽ എക്സൈസ് ഓഫീസർമാരായ വി.വിജേഷ്, എസ്.എസ്.അനീഷ്, യു.കെ.ലാൽകൃഷ്ണ, വിനോദ്കുമാർ.എം, ജിജിൻ പ്രസാദ്.ജെ.ആർ, എക്സൈസ് ഡ്രൈവർ സനൽകുമാർ എന്നിവരടങ്ങുന്ന സംഘമാണ് ജയകുമാരൻ നായരെ പിടികൂടിയത്.