തിരുവനന്തപുരം: ജില്ലയിൽ ഇന്നലെ പുതിയ കൊവിഡ് പൊസിറ്റീവ് കേസുകളില്ല. പുതുതായി 250 പേർ നിരീക്ഷണത്തിലായി. 224 പേർ നിരീക്ഷണ കാലയളവ് പൂർത്തിയാക്കി. രോഗലക്ഷണങ്ങളോടെ 13 പേരെ കൂടി ആശുപത്രികളിൽ പ്രവേശിപ്പിച്ചു. 11 പേരെ ഡിസ്ചാർജ് ചെയ്തു. ആകെ 2087 പേരാണ് ജില്ലയിൽ നിരീക്ഷണത്തിലുള്ളത്. മെഡിക്കൽ കോളേജിൽ 26 പേരും ജനറൽ ആശുപത്രിയിൽ 11പേരും പേരൂർക്കട മാനസികാരോഗ്യ കേന്ദ്രത്തിൽ ഒരാളും എസ്.എ.ടി ആശുപത്രിയിൽ 3 പേരും വിവിധ സ്വകാര്യ ആശുപത്രികളിൽ 13 പേരും ഉൾപ്പെടെ 54 പേർ ജില്ലയിൽ ആശുപത്രികളിൽ ചികിത്സയിലുണ്ട്. 110 സാമ്പിളുകളാണ് ഇന്നലെ പരിശോധനയ്ക്കയച്ചത്. ഇന്നലെ ലഭിച്ച 110 പരിശോധനാഫലങ്ങൾ നെഗറ്റീവാണ്. വിവിധയിടങ്ങളിലായി നടന്ന വാഹനപരിശോധനയിൽ 9,110 യാത്രക്കാരെ സ്‌ക്രീനിംഗ് നടത്തി.