മാനന്തവാടി: പൂക്കോട് ചപ്പാരം,മക്കി ഭാഗത്തുള്ള മുബാറക് ഇ.എഫ്.എല്ലിനകത്തുവെച്ച് 1800 ഓളം ഓടകളും, ചീരളം, വയനാവ്, മലയെടല എന്നീ മരങ്ങളും മുറിച്ചുകടത്തിയ മൂന്നംഗ സംഘത്തെ വനപാലകർ പിടികൂടി. ചപ്പാരം ആലക്കണ്ടി വീട്ടിൽ ബാലൻ (47), മക്കളായ അനീഷ്(29), സുധീഷ് (26 ഡ്രൈവർ) എന്നിവരെയാണ് വരയാൽ ഫോറസ്റ്റ് ഓഫീസിലെ ഡെപ്യൂട്ടി റെയ്ഞ്ച് ഫോറസ്റ്റ് ഓഫീസർ എസ് എൻ.രാജേഷ്, ഫോറസ്റ്റർ ഷൈജു, ബീറ്റ് ഫോറസ്റ്റ് ഓഫീസർമാരായ സജ്‌ന, ക്രിസ്റ്റലിൻ, ശരത്,രാഹിത്,വാച്ചർമാരായ ഗോപാലൻ, വിഷ്ണു കുമാർ എന്നിവർ ചേർന്ന് പിടികൂടിയത്.

ഇവർ ഉപയോഗിച്ച കെ.എൽ 72 സി 881 നമ്പർ മിനി വാനും പിടിച്ചെടുത്തിട്ടുണ്ട്.ലോക് ഡൗണിന്റെ മറവിൽ വനത്തിനകത്ത് നടക്കുന്ന, മരംമുറി, വ്യാജവാറ്റ്, മൃഗവേട്ട തുടങ്ങിയവയ്‌ക്കെതിരെ വനം വകുപ്പ് ശക്തമായ നടപടികളെടുക്കുന്നുണ്ട്.