ചേർത്തല: കൊവിഡ് പ്രതിരോധത്തിന്റെ ഭാഗമായി കെ.കെ.കുമാരൻ പെയിൻ ആൻഡ് പാലിയേ​റ്റീവ് കെയർ സൊസൈ​റ്റി 'തുണയായി തുവാല പദ്ധതി'യുമായി രംഗത്ത്.

സംഘടനയുടെ പ്രവർത്തന മേഖലയിലെ 4 പഞ്ചായത്തുകളിലുള്ള ആരോഗ്യ പ്രവർത്തകർക്കും ആശ വാളണ്ടിയർമാർക്കും മുഖാവരണത്തിന് 5,000 തൂവാലയും കൈ കഴുകാൻ സോപ്പും നൽകുന്ന പദ്ധതി മന്ത്റി ജി.സുധാകരൻ ഉദ്ഘാടനം ചെയ്തു. ചേർത്തല തെക്ക് പഞ്ചായത്തിനു വേണ്ടി ബി.സലിമും സീനിയർഹെൽത്ത് ഇൻസ്പെക്ടർ സജീന്ദ്രനും ചേർന്ന് ഏ​റ്റുവാങ്ങി. കഞ്ഞിക്കുഴിയിൽ പ്രവർത്തിക്കുന്ന ജനകീയ ഭക്ഷണ ശാലയ്ക്കു സമീപം നടന്ന ചടങ്ങിൽ സി.പി.എം ജില്ലാ സെക്രട്ടറി ആർ.നാസർ, സൊസൈ​റ്റി ചെയർമാൻ എസ്.രാധാകൃഷ്ണൻ, ട്രഷറർ അഡ്വ.എം.സന്തോഷ് കുമാർ, ഹെബിൻദാസ് എന്നിവർ പങ്കെടുത്തു.