ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിരീക്ഷണത്തിലുള്ളത് 1338 പേർ. ജില്ല ഗ്രീൻ സോണിലേയ്ക്ക് മാറിയ ദിനത്തിൽ നിരീക്ഷണത്തിൽ കഴിയുന്നവരുടെ എണ്ണത്തിൽ കഴിഞ്ഞ ദിവസത്തേക്കാൾ 51പേരുടെ വർദ്ധനവുണ്ടായത് ആശങ്കപ്പെടുത്തുന്നു. ആശുപത്രികളിൽ നിരീക്ഷണത്തിലുണ്ടായിരുന്ന 13 പേരാണ് നിരീക്ഷണത്തിലുള്ളത്. എട്ടു പേർ കായംകുളം ഗവ. ആശുപത്രിയിലും നാലുപേർ ഹരിപ്പാട് താലൂക്ക് ആശുപത്രിയിലും ഒരാൾ മെഡിക്കൽ കോളേജ് ആശുപത്രിയിലും നിരീക്ഷണത്തിലുണ്ട്. 76 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇന്നലെ ഫലമറിഞ്ഞ 54 സാമ്പിളുകളും നെഗറ്റീവ് ആണ്.