മാ​വേ​ലി​ക്ക​ര: കോ​വി​ഡ് കാ​ല​ത്ത് ഉ​പ​ഭോ​ക്താ​ക്കൾ​ക്കാ​യി സു​ര​ക്ഷാ സം​വി​ധാ​ന​ങ്ങൾ ഉ​റ​പ്പാ​ക്കി കെ.എ​സ്.ഇ.ബി മാ​വേ​ലി​ക്ക​ര സെ​ക്ഷൻ ക​റ​ണ്ട് ചാർ​ജ്ജ് സ്വീ​ക​രി​ക്കു​ന്ന​ത് ഉൾ​പ്പ​ടെ​യു​ള്ള പ്ര​വർ​ത്ത​ന​ങ്ങൾ പു​ന​രാ​രം​ഭി​ച്ചു. മാ​വേ​ലി​ക്ക​ര സെ​ക്ഷ​നി​ലേ​ക്ക് എ​ത്തു​ന്ന ഉ​പ​ഭോ​ക്താ​ക്കൾ​ക്ക് വ്യ​ക്തിശുചിത്വം ഉറപ്പാക്കുന്നതിനുള്ള സം​വി​ധാ​നം, സ​മൂ​ഹി​ക അ​ക​ലം പാ​ലി​ക്കു​വാ​നു​ള്ള ചു​റ്റു​പാ​ട്, ഓൺ​ലൈൻ സേ​വ​ന പ​രി​ച​യ​ത്തി​നാ​യു​ള്ള ക്ര​മീ​ക​ര​ണ​ങ്ങൾ എ​ന്നി​വ​യാ​ണ് ഏർ​പ്പെ​ടു​ത്തി​യി​രി​ക്കു​ന്ന​ത്. കൂ​ടാ​തെ ഡി​സ്‌​പോ​സി​ബിൾ ഗ്ലാ​സ് ഉ​പ​യോ​ഗി​ച്ച് കു​ടി​വെ​ള്ള വി​ത​ണ​വും ന​ട​ത്തു​ന്നു​ണ്ട്.
സെ​ക്ഷ​നി​ലേ​ക്ക് എ​ത്തു​ന്ന ഉ​പ​ഭോ​ക്താ​ക്കൾ കൈ ക​ഴു​കി​വേ​ണം ഓ​ഫീ​സി​നു​ള്ളി​ലേ​ക്ക് ക​ട​ക്കു​വാൻ. സാ​മൂ​ഹി​ക അ​ക​ലം പാ​ലി​ച്ച് ക​സേ​ര​കൾ ക്ര​മീ​ക​രി​ച്ചി​രി​ട്ടു​ണ്ട്. ഒ​രു​സ​മ​യം അ​ഞ്ച് പേർ​ക്ക് മാ​ത്ര​മെ ക്യാ​ഷ് കൗ​ണ്ട​റിന്റെ ഭാ​ഗ​ത്തേ​ക്ക് പ്ര​വേ​ശ​ന​മു​ള്ളു. ഇ​വി​ടെ മ​റ്റൊ​രു ഉ​ദ്യോ​ഗ​സ്ഥർ ഉ​പ​ഭോ​ക്താ​ക്ക​ളെ സ്വീ​ക​രി​ക്കും. ബിൽ അ​ട​യ്​ക്കു​വാ​നു​ള്ള ക്യൂ​വി​ലേ​ക്ക് ക​യ​റു​വാ​നാ​യി ഊ​ഴം കാ​ത്തി​രി​ക്കു​ന്ന​വർ​ക്കാ​യി ഓൺ ലൈൻ സേ​വ​ന​ങ്ങൾ പ​രി​ച​യ​പ്പെ​ടു​ത്തു​ന്ന ടി.വി സ്​ക്രീ​നും ഓൺ​ലൈൻ ഹെൽ​പ്പ് ഡെ​സ്​ക്കും ക്ര​മീ​ക​രി​ച്ചി​ട്ടു​ണ്ട്. പു​തു​താ​യി ഓൺ​ലൈൻ വ​ഴി പ​ണം അ​ട​യ്​ക്കു​ന്ന​വർ​ക്ക് 5 ശ​ത​മാ​നം ചാർ​ജ്ജിൽ ഇ​ള​വ് നൽ​കു​ന്നു​ണ്ടെ​ന്നും അ​ത് ഉ​പ​ഭോ​ക്താ​ക്കൾ പ്ര​യോ​ജ​ന​പ്പെ​ടു​ത്ത​ണ​മെ​ന്നും അ​സി​സ്റ്റന്റ് എ​ൻജി​നീ​യർ എ​സ്.സു​നിൽ​കു​മാർ അ​റി​യി​ച്ചു.