അമ്പലപ്പുഴ : ട്രാഫിക് സിഗ്നൽ കണ്ട് സ്കൂട്ടർ നിറുത്തിയപ്പോൾ, പിന്നിൽ നിന്നു വന്ന ടിപ്പർ ലോറിയിടിച്ച് സ്കൂട്ടർ യാത്രക്കാരിക്ക് ദാരുണാന്ത്യം. കോമന കിഴക്കേ തുണ്ടിൽ മധുസൂദനന്റെ ഭാര്യ വസന്തകുമാരിയാണ് (57) മരിച്ചത്.ദേശീയ പാതയിൽ അമ്പലപ്പുഴ കച്ചേരി മുക്കിൽ ഇന്നലെ ഉച്ചയോടെയായിരുന്നു അപകടം. അമ്പലപ്പുഴ ജംഗ്ഷന് കിഴക്കു വശം പ്രവർത്തിക്കുന്ന സ്വകാര്യ മെഡിക്കൽ സ്റ്റോറിലെ ജീവനക്കാരിയായ വസന്തകുമാരി പെട്രോളടിക്കാനായി പോകുന്നതിനിടെ കച്ചേരി ജംഗ്ഷനിൽ സിഗ്നൽ കണ്ടു സ്കൂട്ടർ നിർത്തിയിട്ടപ്പോൾ പിന്നാലെയെത്തിയ ടിപ്പർ ലോറിയിടിക്കുകയായിരുന്നു. ഉടൻ തന്നെ മെഡിക്കൽ കോളേജാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ. മക്കൾ:അപർണ, അഭിലാഷ് (ഗൾഫ്). മരുമകൻ:രാഹുൽ.