ചാരുംമൂട് : കോവിഡ് പശ്ചാത്തലത്തി​ൽ ആഘോഷങ്ങൾ ഒഴി​വാക്കി ചടങ്ങുകൾ മാത്രമായി​ പേരൂർകാർഴ്‌മ 270 നമ്പർ എസ്. എൻ. ഡി. പി ശാഖാ പ്രതിഷ്ഠവാർഷികം. ശാഖയിലെ അംഗങ്ങൾക്ക് വാർഷികാദി​നത്തി​ൽ ധാന്യവും പച്ചക്കറികളും അടങ്ങിയ കിറ്റുകൾ വീട്ടിൽ എത്തിച്ച് നൽകി.
ലോക്ക് ഡൗണിൽ ജോലിയും വരുമാനവും ഇല്ലാതെ ബുദ്ധിമുട്ടനുഭവിച്ച 83 കുടുംബങ്ങൾക്കാണ് കിറ്റുകൾ നൽകി​യത്. ശാഖയും വനിതാ സംഘവും സംയുക്തമായിട്ടാണ് കിറ്റുകൾ തയ്യാറാക്കിയത്. കിറ്റുകളുടെ വിതരണ ഉദ്ഘാടനം ചാരുംമൂട് യൂണിയൻ ചെയർമാൻ ജയകുമാർ പാറപ്പുറം നിർവഹിച്ചു. യൂണിയൻ കൺവീനർ ബി സത്യപാൽ , വൈസ് ചെയർമാൻ ആർ രഞ്ജിത്, കമ്മി​റ്റി അംഗം ചന്ദ്രബോസ്, ശാഖാ പ്രസിഡന്റ് ജെ വിദ്യാധരൻ , സെക്രട്ടറി കാർത്തികേയൻ , വൈസ് പ്രസിഡന്റ് പീയുഷ് ചാരുംമൂട്, മുൻ ഡയറക്ടർ ബോർഡ് മെമ്പർ എസ് അനിൽരാജ്, യൂത്ത്മൂവ്മെന്റ് ചെയർമാൻ വി വിഷ്ണു, വനിതാ സംഘം പ്രസിഡന്റ് അജിത രാമചന്ദ്രൻ , സെക്രട്ടറി അമ്പിളി കൃഷ്ണൻകുട്ടി എന്നിവർ സംസാരിച്ചു.