ആലപ്പുഴ:അന്യസംസ്ഥാന തൊഴിലാളികളുമായി ജില്ലയിൽ നിന്നുള്ള രണ്ടാമത്തെ ട്രെയിൻ ഇന്ന് ബീഹാറിലേക്ക് യാത്ര തിരിക്കും.ആലപ്പുഴ റയിൽവെ സ്റ്റേഷനിൽ നിന്ന് വൈകിട്ടാവും പുറപ്പെടുക.മാവേലിക്കര, ചെങ്ങന്നൂർ താലൂക്കുകളിലെ തൊഴിലാളികളെയാണ് കൊണ്ടു പോകുന്നത് . മാവേലിക്കരയിൽ നിന്ന് 618 പേരും ചെങ്ങനൂരിൽ നിന്ന് 532 പേരുമുൾപ്പെടെ ആകെ 1150 പേരാണ് യാത്രയ്ക്ക് രജിസ്​റ്റർ ചെയ്തത്. കെ.എസ്. ആർ.ടി.സി ബസിൽ ഉച്ചയോടെ ഇവരെ റെയിൽവെ സ്​റ്റേഷനിൽ എത്തിക്കും. മാവേലിക്കരയി നിന്ന് 24 ഉം ചെങ്ങന്നൂരിൽ നിന്ന് 22 ഉം ബസുകളാണ് സജ്ജീകരിച്ചിട്ടുള്ളത്.

സാമൂഹിക അകലം പാലിച്ചായിരിക്കും ബസിലെയും ട്രെയിനിലെയും യാത്ര.