ആലപ്പുഴ:ഭൂരഹിതർ, ഭവനരഹിതരായ കുടുംബങ്ങൾ, നിരാലംബരായ സ്ത്രീകൾ എന്നിവർക്ക് മുൻഗണന നൽകികൊണ്ടുള്ളതാണ് ആലപ്പുഴ നഗരസഭയുടെ ഫ്ളാറ്റ് നിർമാണമെന്ന്മന്ത്റി ജി സുധാകരൻ പറഞ്ഞു.

ചാത്തനാട് മുനിസിപ്പൽ കോളനിയിൽ ഫ്ളാറ്റിന്റെ ശിലാസ്ഥാപനം നിർവഹിക്കുവായിരുന്നു അദ്ദേഹം. മുനിസിപ്പൽ ചെയർമാൻ ഇല്ലിക്കൽ കുഞ്ഞുമോൻ അദ്ധ്യക്ഷത വഹിച്ചു.

കൊവിഡ് പ്രതിരോധവുമായി ബന്ധപ്പെട്ട നിയന്ത്റണങ്ങൾ നിലവിലുണ്ടായിരുന്നതിനാൽ ആൾക്കൂട്ടം ഒഴിവാക്കി, ലളിതമായ ചടങ്ങിലായിരുന്നു ഉദ്ഘാടനം.

വൈസ് പ്രസിഡന്റ് സി. ജ്യോതിമോൾ, വിവിധ സ്​റ്റാന്റിംഗ് കമ്മ​റ്റി ചെയർമാൻമാരായ ബഷീർ കോയാപറമ്പിൽ, എ .എ. റസാഖ്, ബിന്ദു തോമസ്, ജി. മനോജ് കുമാർ,വാർഡ് കൗൺസിലർ റമീസത്ത് ഇ .നാസർ , നഗരസഭാ സെക്രട്ടറി മുഹമ്മദ് ഷാഫി, മുനിസിപ്പൽ എൻജിനീയർ അനിൽ കുമാർ എന്നിവർപങ്കെടുത്തു.