ചേർത്തല: രാജീവ് യൂത്ത് ഫൗണ്ടേഷൻ ജില്ലാ കമ്മി​റ്റിയുടെ നേതൃത്വത്തിൽ കൊവിഡ് പ്രതിരോധ പ്രവർത്തനങ്ങളുടെ ഭാഗമായി ജില്ലയിലെ എല്ലാ കോളനികളിലും പാൽ,മുട്ട, പഴം തുടങ്ങിയ പോഷകാഹാരങ്ങൾ വിതരണം ചെയ്യുന്ന പദ്ധതിക്ക് തുടക്കമായി. ജില്ലാതല ഉദ്ഘാടനം പട്ടണക്കാട് പഞ്ചായത്ത് നാലാം വാർഡിൽ കോതകുളങ്ങര ഗിരിജൻ കോളനിയിൽ യൂത്ത് കോൺഗ്രസ് ജില്ലാ സെക്രട്ടറി കെ.ആർ.രൂപേഷ്, ഡോ.ഹേമലത എന്നിവർ ചേർന്ന് നിർവഹിച്ചു. ജില്ലാ ചെയർമാൻ അഡ്വ.ടി.എച്ച്.സലാം, പി.എം.രാജേന്ദ്രബാബു, അനിലാൽ,എം.ആർ.ബിനുമോൻ, എസ്.സഹീർ, ടി.ടി.വിക്രമൻ, നാരായണൻകുട്ടി എന്നിവർ പങ്കെടുത്തു.