ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിരീക്ഷണത്തിലുള്ളത് 1248 പേർ. കഴിഞ്ഞ ദിവസത്തേക്കാൾ 120 പേരുടെ വർദ്ധനവാണ് ഉണ്ടായത്.

ആശുപത്രികളിൽ ആറു പേരാണ് നിരീക്ഷണത്തിലുള്ളത്. ആലപ്പുഴ മെഡിക്കൽ കോളേജ് ആശുപത്രിയിലും കായംകുളം ഗവ. ആശുപത്രിയിലും മൂന്ന് പേർ വീതം നിരീക്ഷണത്തിലുണ്ട്. 242 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഹോം ക്വാറന്റൈനിൽ നിന്ന് 118 പേരെ ഒഴിവാക്കിയത് ആശ്വാസം പകരുന്നു. ഇന്നലെ ഫലമറിഞ്ഞ 42 സാമ്പിളുകളും നെഗറ്റീവ് ആണ്.