ആലപ്പുഴ: കേന്ദ്രസർക്കാർ നിർദ്ദേശ പ്രകാരം മേയ് മാസത്തെ റേഷൻ ഇ പോസ് മെഷീനിൽ വിരൽ പതിച്ചുകൊണ്ടുളള ബയോ മെട്രിക് സംവിധാനം മുഖേനയായിരിക്കും വിതരണം ചെയ്യുക.

ഇ പോസ് മെഷീനിൽ വിരൽ പതിപ്പിക്കുന്നതിന് മുമ്പ് ഗുണഭോക്താവ് സോപ്പും വെളളവും അല്ലെങ്കിൽ സാനിട്ടൈസർ ഉപയോഗിച്ചു കൈകൾ വൃത്തിയാക്കേണ്ടതാണ്. ജില്ലയിലെ എല്ലാ റേഷൻ കടകളിലും സോപ്പും വെളളവും സാനി​ട്ടൈസറും സജ്ജീകരിച്ചിട്ടുണ്ട്. നനഞ്ഞ കൈകൾ ഉപയോഗിച്ച് ഇ പോസ് മെഷീനിൽ തൊടാൻ പാടില്ല. റേഷൻ വ്യാപാരികളും ഗുണഭോക്താക്കളും സാമൂഹിക അകലം പാലിക്കേണ്ടതും മുഖാവരണം ധരിക്കേണ്ടതുമാണെന്ന് ജില്ലാ സപ്ലൈ ഓഫീസർ അറിയിച്ചു.