കായംകുളം: കോവിഡ് -19 രോഗ വ്യാപന പ്രതിരോധത്തിന്റെ ഭാഗായി ലോക്ക് ഡൗൺ നിലനിൽക്കുന്ന സാഹചര്യത്തിൽ എംപ്ലോയ്മെന്റ് എക്സ്ചേഞ്ചുകൾ മുഖേനയുള്ള സേവനങ്ങൾക്ക് ക്രമീകരണങ്ങൾ ഏർപ്പെടുത്തി.

എംപ്ലോയ്ലന്റ് എക്സ്ചേഞ്ചുകളിൽ നിന്നും നൽകുന്ന രജിസ്ട്രേഷൻ , പുതുക്കൽ, സർട്ടിഫിക്കറ്റ് അഡീഷൻ തുടങ്ങിയ സേവനങ്ങൾ www.eermployment.kerala.gov.in എന്ന വെബ് സൈറ്റ് വഴിഓൺലൈനായി ലഭ്യമാണ്.

2020 ജനുവരി മുതൽ മെയ് വരെരജിസ്ട്രേഷൻ പുതുക്കേണ്ടവർക്ക് ആഗസ്റ്റ് വരെ പുതുക്കാം. ഫോൺ മുഖേന ബന്ധപ്പെട്ടും രജിസ്ട്രേഷൻ പുതുക്കാം.

രജിസ്ട്രേഷൻ, സർട്ടിഫിക്കറ്റ് ചേർക്കൽ, തൊഴിൽ പരിചയ സർട്ടിഫിക്കറ്റ് ചേർക്കൽ എന്നിവയും www.eermployment.kerala.gov.in എന്ന വെബ് സൈറ്റ് വഴി ഓൺ ലൈനായി നിർവ്വഹിക്കാം. ഒറിജിനൽ സർട്ടിഫിക്കറ്റുകൾ അതത് എംപ്ലോമെന്റ് എക്സ്ചേഞ്ചിൽ ആഗസ്റ്റ് 21 നകം ഹാജരാക്കി വെരിഫൈ ചെയ്താൽ മതി. ഡിസംബർ 20 നു ശേഷം ജോലിയിൽ നിന്ന് നിയമാനുസൃതം വിട്ടുതൽ ചെയ്യപ്പെട്ട് ഡിസ്ചാർജ് സർട്ടിഫിക്കറ്റ് ഹാജരാക്കുന്ന ഉദ്യോഗാർത്ഥികൾക്ക് ആഗസ്റ്റ് 27 വരെ സീനിയോരിറ്റി നിലനിർത്തിക്കൊണ്ട് വിടുതൽ സർട്ടിഫിക്കറ്റ് ചേർത്ത് നൽകും.

ഫോൺ കായംകുളം: 0479 2442502.