ഹരിപ്പാട്: എസ്.എൻ.ഡി.പി യോഗം ചേപ്പാട് യൂണിയനിലെ ധനസഹായവിതരണത്തിന്റെ മുട്ടം മേഖലാതല ഉദ്ഘാടനം യൂണിയൻ കൗൺസിലർ ബി.രഘുനാഥ് നിർവ്വഹിച്ചു. യൂണിയനിലെ 52 ശാഖാ യോഗങ്ങളിലെ കിടപ്പുരോഗികൾ, അവയവമാറ്റ ശസ്ത്രക്രിയ നടത്തിയവർ, മറ്റു ഗുരുതരമായ രോഗബാധിതർ തുടങ്ങിയവർക്കാണ് ധനസഹായം നൽകുന്നത്. മുട്ടം 994 ശാഖ പ്രസിഡന്റ് ബി.നടരാജൻ, സെക്രട്ടറി വി.നന്ദകുമാർ, മുട്ടം ബാബു, യൂണിയൻ വനിതാ സംഘം പ്രസിഡന്റ് മഹിളാമണി എന്നിവർ പങ്കെടുത്തു.