ഹരിപ്പാട്: എസ്.എൻ.ഡി.പി യോഗം ചേപ്പാട് യൂണിയനിലെ ധനസഹായവിതരണത്തിന്റെ മുതുകുളം മേഖലാതല ഉദ്ഘാടനം യൂണിയൻ സെക്രട്ടറി എൻ. അശോകൻ നിർവ്വഹിച്ചു. യൂണിയനിലെ 52 ശാഖാ യോഗങ്ങളിലെ കിടപ്പുരോഗികൾ, അവയവമാറ്റ ശസ്ത്രക്രിയ നടത്തിയവർ, മറ്റു ഗുരുതരമായ രോഗബാധിതർ തുടങ്ങിയവർക്കാണ് ധനസഹായം നൽകുന്നത്. യൂണിയൻ കൗൺസിലറും മുതുകുളം മേഖലാ ചെയർമാനുമായ യു.ചന്ദ്രബാബു, മുതുകുളം മേഖലാ കൺവീനർ പി.കെ.അനന്തകൃഷ്ണൻ, യൂത്ത് മൂവ്മെന്റ് സെക്രട്ടറി ജിതിൻ ചന്ദ്രൻ, സൈബർസേന കൺവീനർ ദിനിൽ.ഡി.തഴയശേരിൽ, ശാഖാ പ്രസിഡൻറ് പി.ത്യാഗരാജൻ, സെക്രട്ടറി ആർ.ശശിധരൻ എന്നിവർ പങ്കെടുത്തു.