ചേർത്തല:കൊവിഡിൽ തിരിച്ചടി നേരിട്ട പാലക്കാടൻ കർഷകരുടെ സ്വപ്നങ്ങൾക്കൊരു കൈത്താങ്ങുമായി കഞ്ഞിക്കുഴി സഹകരണ ബാങ്കി​ൽ ആരംഭിച്ച മാമ്പഴോത്സവം മുൻ ജില്ലാപഞ്ചായത്ത് പ്രസിഡന്റ് ആർ.നാസർ ഉദ്ഘാടനം ചെയ്തു.എസ്.രാധാകൃഷ്ണൻ ഏ​റ്റുവാങ്ങി.ബാങ്ക് പ്രസിഡന്റ് അഡ്വ.എം.സന്തോഷ് കുമാർ ഭരണ സമിതിയംഗങ്ങളായ ജി.മുരളി,ടി.ആർ.ജഗദീശൻ, വി.എ.സാംജി,ജി.ഉദയപ്പൻ,പി.ഗീത,നിഷാദ് മാരാരി എന്നിവർ പങ്കെടുത്തു. പ്രസാർ ഭാരതിമാദ്ധ്യമ അവാർഡ് നേടിയ ആർ.രവികുമാറിനെ ആദരിച്ചു.ഇന്ന് മുതൽ 30 വരെ കഞ്ഞിക്കുഴിസർവീസ് സഹകരണ ബാങ്കിൽ നിന്നും അൽഫോൻസ,ബംഗനപ്പളളി,സിന്ദൂരം,പ്രിയൂർ,കലപ്പാടി,മൽഗോവ,ഗുഡ്ഡു,ബംഗളോര,നീലം,മൂവാണ്ടൻ തുടങ്ങി പത്തോളം ഇനം മാമ്പഴങ്ങൾ ലഭിക്കും.രാസവസ്തുക്കൾ ഉപയോഗിക്കാതെ നാടൻ രീതിയിൽ പഴുപ്പിച്ചെടുത്തതാണ് മാങ്ങകൾ.മാരാരിഫ്രഷുമായി സഹകരിച്ചാണ് ദേശീയപാതയോരത്ത് കഞ്ഞിക്കുഴിയിലെ ഇന്ത്യൻ കോഫി ഹൗസിനു സമീപമുള്ള ബാങ്ക് ഹെഡാഫീസിന് മുമ്പിലാണ് മാമ്പഴമേള സംഘടിപ്പിച്ചിട്ടുള്ളത്

.