ഹരിപ്പാട് : എസ്.എൻ.ഡി.പി യോഗം ചേപ്പാട് യൂണിയനിലെ മുതുകുളം മേഖലയിലെ 340ാം നമ്പർ ശാഖയിലെ ധനസഹായവിതരണ ഉദ്ഘാടനം യൂണിയൻ കൗൺസിലർ പി.എൻ അനിൽകുമാർ നിർവ്വഹിച്ചു. യൂണിയനിലെ 52 ശാഖാ യോഗങ്ങളിലെ കിടപ്പുരോഗികൾ, അവയവമാറ്റ ശസ്ത്രക്രിയ നടത്തിയവർ, മറ്റു ഗുരുതരമായ രോഗബാധിതർ തുടങ്ങിയവർക്കാണ് ധനസഹായം നൽകുന്നത്. യൂണിയൻ യൂത്ത്മൂവ്മെന്റ് സെക്രട്ടറി ജിതിൻ ചന്ദ്രൻ, ശാഖ പ്രസിഡന്റ് ഭദ്രൻ കാർത്തികേയൻ, ശാഖാ സെക്രട്ടറി ശശി, മാനേജിങ് കമ്മിറ്റി അംഗങ്ങളായ തങ്കപ്പൻ, ആനന്ദ് എന്നിവർ പങ്കെടുത്തു.